Overview
Адвокатски приправник Jobs in Skopje, Skopje Statistical Region, North Macedonia at Bojadziev & Spirovski Law Office
Title: Адвокатски приправник
Company: Bojadziev & Spirovski Law Office
Location: Skopje, Skopje Statistical Region, North Macedonia
ОГЛАС ЗА ВРАБОТУВАЊЕ НА АДВОКАТСКИ ПРИПРАВНИК
Адвокатска канцеларија Бојаџиев и Спировски
Кои сме ние
Адвокатска канцеларија Бојаџиев и Спировски е канцеларија со седиште во Скопје, која им стои на располагање на домашни и странски компании, осигурителни друштва, здруженија и физички лица.
Нашата работа се движи низ неколку главни правци:
- правен консалтинг и континуирана правна поддршка на деловни субјекти;
- оштетно право и застапување во постапки за надомест на штета;
- управно право и водење постапки пред органите на државната управа;
- наплата на побарувања, вклучително платни налози и извршни постапки;
- правен консалтинг во областа на работните односи;
- основање, статусни промени и упис на промени на трговски друштва во Трговскиот регистар.
Работиме сериозно, уредно и со внимание кон деталите. Веруваме дека добриот правник се создава со менторство и со работа врз реални предмети, не со набљудување од страна.
Што ќе работите кај нас
Од првиот месец ќе бидете вклучени во:
- изработка на договори, поднесоци, тужби, жалби, приговори и правни мислења, под менторство на адвокат;
- анализа на предмети и правно истражување на судска пракса, прописи и подзаконски акти;
- подготовка на документација за упис и промени во Трговскиот регистар и следење на постапката до завршување;
- водење евиденција и следење на портфолио предмети од наплата на побарувања;
- комуникација и постапување пред судови, нотари, извршители, Централен регистар и други органи;
- присуство на рочишта и состаноци со клиенти, со постепено преземање на самостојни задачи.
Целта на приправничкиот стаж кај нас е јасна: да бидете подготвени за правосудниот испит и способни самостојно да водите предмет.
Кого бараме
- дипломиран правник (се смета за предност, но не е неопходно);
- работно искуство не е задолжително – подеднакво ги разгледуваме кандидатите без искуство и оние со претходно искуство во адвокатска канцеларија, суд или правен сектор;
- солидно познавање на англиски јазик во писмена и разговорна форма;
- прецизност во пишувањето и способност за јасно правно изразување на македонски јазик;
- сериозност, дискреција и одговорен однос кон роковите;
- солидна работа со MS Office и волја за користење на дигитални алатки во секојдневната работа.
Што нудиме
- редовен приправнички надомест;
- директно менторство од адвокати;
- разновидни предмети – стопанско, оштетно, управно право и работни односи, како и извршни и други постапки, наместо тесна специјализација уште на почеток;
- реална подготовка за правосуден испит;
- канцеларија во центарот на Скопје и колегијална атмосфера, каде вашата работа се гледа и се вреднува.
Пријавување
Заинтересираните кандидати можат да се пријават преку овој оглас на LinkedIn или со доставување кратка биографија (CV) на е-пошта:
[email protected] и [email protected]
со наслов „Пријава за адвокатски приправник“.
Краен рок за пријавување: 20 август 2026 година.
Ќе бидат контактирани само кандидатите кои ќе влезат во потесен избор. Сите пријави се третираат како доверливи, во согласност со прописите за заштита на личните податоци.
